Google剛剛係 I/O 開發者大會當中發佈三款手提電話同一個全新平板電腦等幾個新產品，不過最有可能大賣或許係早已流傳直接同蘋果AirPods Pro 對撼全新 Google 自家耳機 Pixel Buds Pro，新款Pro依然保持獨特外型以及強大功能具有內建主動降噪功能配合Google 內建Google 助理、Google 40種語言翻譯等功能，再加上多點連線一粒耳機輕易係兩個裝置用足11個鐘，唔知夠唔夠料成為真無線耳機界新殺手？

全新Pixel Buds Pro內建主動降噪功能，透過6核心音頻處理器自動偵測環境噪音調整降噪。強大功能支援Google助理同40國語言Google翻譯，耳機仲可以監測耳道內壓力，根據偵測結果緩解壓力，讓配戴時感受更舒適。採用Silent Seal技術配合唔同耳型進行調整，盡可能消除大部分外部雜音。使用不同手勢觸摸耳機時可以播放、暫停、跳過曲目。廠方強調通話內容會非常清晰而使用透明模式時，環境音同身邊旁人聊天聲音都會完整清晰。

耳機本體具有IPX4防水等級，外殼則為IPX2防水等級。續航增強到11小時，不過當自動降噪功能全開後最長可以使用4小時。 Pixel Buds Pro具備多點連線功能，可以係最後連線兩台裝置中自由切換，無論用家連接使用電腦、電視、Android 或 iOS 裝置，都無需手動調整即可自動切換裝置收聽。充電盒支援無線充電方式。

Pixel Buds Pro 共有四種顏色可選分別為：珊瑚橘、檸檬綠、迷霧灰和石墨黑，預計6月28日上市 售價為 US$199.99 （約港幣 $1,570 ）