模型可以話係日本最強大的國家級玩意，日本靜岡縣更加係世界模型首都，一年一度「靜岡模型展 」（SHIZUOKA HOBBY SHOW）吸引全球目光。今年展覽中就出現一款非常特別的模型作品「垃圾球」。作為日本著名無用發明家藤原麻里菜新作，垃圾球就係將模型組裝一塊塊重新「砌」出一件垃圾完成品，如果你好鐘意砌模型「垃圾球」甚具挑戰性，砌完係咪好想拋物線掟入垃圾箱呢？

無錯呢件模型作品真的是「垃圾」，成品就係模擬一團搓埋一嚿嘅垃圾紙。發明家大有來頭，係發明無用商品聞名嘅藤原麻里菜，專開研發無咩用的商品例如眼鏡專用遮，吹出薯條味風扇仔等等！

因為無里頭而係日本社交平台大紅。近日就再度發功設計出垃圾球模型，為辦公室日常增添趣味！

ゴミができあがるプラモデル
丸まったティッシュペーパー 1:1 scale model pic.twitter.com/bNJt2mip8V

— 藤原 麻里菜 | Marina Fujiwara (@togenkyoo) January 23, 2021

其實上年初藤原麻里菜已經係Twitter示範過該組模型，仲建議大家要用刀畫出折痕以及加以上色！今年垃圾球模型「堅」被製造商「秋東精工」商品化，仲係靜岡模型展中展出。商品預計2022年8月正式出售，每粒垃圾球盛惠1,540日圓（約105港幣）。

相信模型達人們應該有興趣挑戰呢件佳作！