{ SKIP }
文:MenClub 魏文青  
POSTED ON 16 May 2022

當日如Netflix等串流平台受歡迎嘅其中一個原因,係因為佢哋打破咗傳統電視台「定時定候播某個節目」嘅慣例,觀眾可以自己決定幾時收看節目,揀某個週末一次過睇哂十集又得,一部電影攤開幾次睇又得。不過近日有外媒報導,Netflix正研究引入定時定候嘅現場直播節目,莫非打算還原基本步?

據《Deadline》報導,Netflix正初步研究緊開放「直播串流」功能,不過就唔係如Twitch或YouTube一樣有個直播主坐定定對住個Cam嗰種直播,而係針對大型比賽型綜藝節目 (例如選秀節目),又或劇集、電影特別節目 (例如早前嘅Harry Potter20週年紀念節目) ,等觀眾可以參與即時投票、與嘉賓互動等。另外Netflix近年亦大力發展「棟篤笑」節目,早前曾經舉行「Netflix is a Joke」活動,邀請超過130名搞笑藝人舉行實體Show,並將部份拍下,將會於本月放上Netflix供觀眾重溫。假若Netflix未來真係推出直播串流功能,又真係繼續搞「Netflix is a Joke」,相信有部份表演將會有現場直播。

Netflix研究推出現場直播,背後主要原因當然係今年第一季業績顯示訂閱人數首次下跌,希望以新功能吸引新節目同時留住觀眾。另一個原因就係因為最大對手Disney+已經開始製作現場直播節目。今年2月,Disney+於美國直播奧斯卡金像獎公佈提名名單,完成其首次現場直播,而美國知名綜藝節目《Dancing With the Stars》亦會於今年稍後「轉會」Disney+,成為其首個現場直播節目系列。

資料來源:Deadline

講起日本嘅「電車痴漢」,大家下意識就會覺得個犯人係男性,而個受害者就一定係女性。不過據日本傳媒報導,近日日本JR埼京線上就出現兩個針對男高中生嘅男性電車痴漢,佢哋唔單止對同一個男高中生落手,而且被捕後仲 ...
hobby
【日本】男仔都要小心 日本驚現對男高中生落手嘅「電車痴漢」
25 May 2023
成日有人話男仔同女仔對於「靚女」嘅定義好唔同,但日前日本媒體《Model Press》就公佈咗一年一度由女性讀者選出嘅「我最想擁有的臉」票選,當中前20名中全部都係大家熟口熟面嘅人。咁如果同早前由Oricon舉辦、男網 ...
hobby
【日本】日本女生「最想擁有的臉」排名 三上悠亞不入前10
25 May 2023