玩音響的人唔算特別多，但應該大多數人都聽過甚至用過日本音響界品牌大佬ONKYO影音產品，最近呢個75年歷史的名牌正式申請破產，結束係日本的影音使命！ONKYO 2019年已經將品牌家用影音產品成條線出售，結果總公司捱唔過疫情以負債 31 億日圓宣布破產，並開始破產程序。作為用家同支持者又唔駛太擔心，音響行業破產好平常，好多著名品牌都經歷過，其實公司破左產品牌產品仲有得推出，因為ONKYO 品牌已經由Sharp 及 Voxx International收購，未來仲會有同名新產品推出，甚至ONKYO 仲會有新公司提供保養，疫情過後可能又一條好漢！

自從2019年以後，世界企業除左疫情相關行業，百業都唔好過，2000 年後經濟放緩音響行業都開始萎縮，加上面對數碼音響技術新挑戰，傳統音響路愈來愈難行，收入大減令音響行業老大哥都頂唔住入不敷出！，5 月 13 日安橋ONKYO 正式宣布破產，結束 75 年歷史。

有趣係其實作為安橋ONKYO用家，無太大影響，頂多當繼續有新安橋ONKYO新產品推出市場時，大可以歧視佢前母公司曾經破過產！但可能到時你又會受到市場學的宣傳同種種吸引因素，繼續支持ONKYO！