近日有消息傳出香港政府個人資料私隱專員公署想積極引用法例限制同阻止「起底」訊息流傳，其中一個最常被利用的社交平台Telegram應用程式成為積極研究要封鎖目標。由於相關平台有發放警隊、立法會議員、政府官員及其家人們「起底」訊息絕大部件源自海外例如台灣地區，所以中港政府無力源頭打擊，而政府曾要求Telegram刪除有關訊息，不過未能成功，故此就放風想引用《個人資料（私隱）條例》第66L條停止或限制市民連接相關平台，即有機會成個Telegram平台封鎖。當然先唔講自唔自由反唔反對，如何實行封鎖呢？其實中國內地以及俄羅斯都話封鎖Telegram，但技術上都未完全成功，香港政府真係要創新考慮如何全面封鎖，正所謂無創科無未來、香港唔等得，如果能有力封鎖到Telegram將會係香港政府完成一件大事，成功的話！

Telegram接連出現「起底」信息，即有人使用呢個平台發佈其他人唔喜歡的事，甚至違法行為，咁點算？政府出動個人資料私隱專員公署出頭話想引用法例停止或限制市民使用Telegram應用程式。俄羅斯政府早幾年都曾嘗試封鎖同禁用Telegram，不過係技術上科技好難被禁，結果俄羅斯用戶數目並無下跌鞬甚至有所增長！如果香港政府要禁止Telegram可以點做？禁止香港蘋果同Android提供下載？出動警察隨街截查市民手機？

假如成功封鎖到Telegram，然後又發覺有其他社交平台有「起底」訊息流傳，咁政府到底是否要擴大封鎖？也許這個看得太遠，我們作為好男士其實只想有不同平台閒時睇下「想睇」的消閒訊息，多一兩個平台絕對係多一兩個選擇！期待睇下政府如何落實成功打擊網絡社交平台違法資訊，我好簡單，開開心心有得用，有靚女我就給Like！