蠟筆小新當中最起唔眼的角色係邊個？唔係小新一家人唔係小白狗仔，唔知大家仲記唔記得長期留住鼻涕嘅阿呆？今次阿呆終於發威做主角，單拖出產品成為一個放紙巾公仔，如果大家需要取紙巾，就可以搵長期流住一條紙巾的阿呆，不過一班人聚餐抹咀或女朋友煲劇感動淚流滿面都仲好駛好用，剩返一個人係屋企性急時要用紙巾望住阿呆其實都有啲尷尬 ！

每個家庭都需要使用紙巾， 如今人人都習慣多宅居家，更加需要紙巾，於是乎創作力強大的日本商人就順理成章咁推出蠟筆小新阿呆紙巾公仔，等大家需要時可以好有趣地像阿呆一行鼻涕當中摘取紙巾。這是 日本PREMIUM BANDAI推出全新款「ハナミズふけば～ボーちゃん! ティッシュカバーぬい」。唔用嘅時候佢就會還原番蠟筆小新動漫角色中嘅阿呆，絕對係一個精美有愛的房間好擺設！ 

介紹返阿呆呢個角色，阿呆係蠟筆小新劇中的主要角色之一，年紀5歲係主角小新同班同學，特徵就係總是流鼻涕一副呆樣，興趣係喜歡收集石頭同觀察周遭的人事物，有一種深藏不露感覺，作為一個小朋友阿呆識好多嘢！ 講返件產品，呢件正面睇真係唔錯，但後面就唔好擰轉畀人睇到，因為阿呆後腦原來係用來塞紙巾盒，望到都覺得驚嚇！最後唔記得同大家分享，有興趣的朋友可以上「 PREMIUM BANDAI 」官方網站睇睇，目前已經開放預購，售價為4840日元