{ SKIP }
文:MenClub 摯樂  圖:互聯網
POSTED ON 01 Jun 2022
【爆笑選舉】日本鳥取市青谷町古代「彌生人」經樣貌修復後搞最激似撞樣選拔賽

日本人真係好好玩,上年10月日本鳥取市一個遺址中有考古發現,掘到1800年原始彌生人前頭骨,經過DNA分析加上AI重構後修復古代彌生人樣貌,結果由於同現代人無咩分別引發網民熱議,最後鳥取市政府決定舉行一個「彌生人選舉」搵出同原始古人樣貌最激似的人,真係有215人報名,剛上星期5月28日在鳥取縣附近會場仲舉行10強賽決選出最激似「青谷彌生人」相當搞鬼爆笑。

今次鳥取市青谷町遺跡中發現「青谷彌生人」頭骨來自彌生時代(即西元前10世紀到西元3世紀)有約1800年歷史,運用DNA分析技術重現後,發現公佈古彌生人生前樣貌同現代日本人竟然無咩分別。鳥取的縣政府於是一邊募集彌生人的姓名同時決定舉行「彌生人選舉」,各日本各地結集自認最激似呢位古彌生人的撞樣市民。結果真係有215人由日本各地報名參加選舉,5月28日大家仲去到鳥取縣附近會場進行10強賽選拔,選出最激似撞樣古人。


最後鳥取市青谷町遺跡「青谷彌生人」被命名為「青谷上寺朗」,而現場選擇十強的激似候選人逐個逐個上台作才藝表演同自我介紹,然後盡力推銷自己拉票。當中有參賽者跳舞、亦有參賽者自彈自唱,場面非常熱鬧。最終由現場觀衆和網上投票選出心目中覺得同「青谷上寺朗」最相似的一位。冠軍來自大阪柏原市的35歲上班一族吉田昌弘,冠軍獲得一尊彌生人金像。得獎者雖然身為營業員,但為左參與選舉特別留長頭髮同鬍鬚,而且仲為左讓體型更接近彌生人,係3個月内減了6kg,真係全情投入參與選拔。佢分享得獎感受時表示,係準備參賽期間佢一直被女兒嫌棄,不願意同佢並排一起行;得獎後更擔心女兒會否不喜歡被別人說,妳爸爸係彌生人。台上他更調皮地向女兒道歉:「對不住阿女…你爸爸係彌生人。不過得到呢個獎係好光榮的事,所以你開心啲啦!」


但其實日本網民認為最激似的另一個人選係當日鳥取廣播電台首次報導公開修復彌生人的相貌時,當時報導的記者加藤就最神似,亦因而被網民點相指如果加藤有參選肯定贏出冠軍,當然最終呢位加藤記者並無參賽!



由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025
HBO劇集《The Last of Us(最後生還者)》編導兼Naughty Dog總裁Neil Druckmann宣布,佢將會退出第三季劇集製作,專心開發工作室旗下新作《Intergalactic: The Heretic Prophet(星際:異端先知)》。 《Interg ...
hobby
【影視】Neil Druckmann宣布退出《最後生還者》劇集創作 專注開發新遊戲《星際:異端先知》
03 Jul 2025