飯 可以話係香港人主食嘅第一位，而優質嘅米先可以帶來最出色嘅飯，再加上精心製作嘅餸菜，一頓美味而豐富嘅美食就係咁誕生。

坐落在尖沙咀K11 Art Mall 二樓 Natural 內新開一間和風食堂《米炊》，店外採用溫暖木色調，半落地玻璃窗散發着微黃燈光，係鬧市中靜謐嘅角落。而作為餐廳主理人之一，生活美學家、日本草月流花藝師 關琬潼，更特別為餐廳以乾花等植物打造環境，令人進入餐廳後變得更加放鬆。

餐廳以米作為主題，並主打各款日式和風料理，其中米當然選自頂級日本米 - 北海道夢美人米、北海道七星米和日本十六穀米，並以炊為法，燒飯細煮，煉就暖和。

當中美人米及七星米都係日本最高級別嘅「特A」米，絕對係軟硬適中，香甜味美。而米飯之上，配上多款以日本傳統方式製作嘅美食，好似非常軟嫩嘅上級黑安格斯西冷及肉眼扒、香口嘅油甘魚骹、玉子燒等等。

而當中特別值得一提嘅係，餐廳招牌千層炒蛋咖哩飯，當中炒蛋唔係用普通日本蛋，而係日本最頂級嘅A級蛋 – 蘭王蛋，顏色、蛋香、味道都絕對係其他日本蛋難以媲美的；咖哩亦都以秘製方式妾作，含甘、甜、辛三味，非常配合主打的米飯。

而在《米炊》亦唔單止可以食飯，餐廳亦有唔少清酒選擇，讓你可以同朋友一路飲一路暢談。