以後蘋果 Apple TV用家可以獨家睇美國職業足球大聯盟（MLS）每一場比賽直播，呢個轉播權無分地域全球蘋果用家都可以訂閱，特點在於超越傳統電視的付費訂閱方案。睇唔睇美國足球直播一回事，但樂視都可以買到英超轉播權，相信蘋果日後一樣可以，到時仲唔人人買iphone睇英超？呢筆天文數字諗得過！

蘋果（Apple）已經同美國職業足球大聯盟（MLS）展開合作，由 2023 年起 Apple TV 將獨家直播每一場 MLS 比賽，成為大型職業體育聯盟歷史上第一次先河，世界各地的球迷將可在單一平台觀看所有 MLS 和聯賽盃1比賽，而唔受任何當地轉播禁令影響，亦唔須訂閱傳統電視的付費方案。

美國職業足球大聯盟多年來一直被稱為世界上發展最快速的足球聯賽，過去 15 年間規模擴大左一倍多，已經達到 29間球會角逐。而且成為眾多大牌球星足球生涯晚年的好去處！根據蘋果表示， 2023 年初到 2032 年期間，球迷可以訂閱新的 MLS 串流服務並觀看每場 MLS 直播比賽，除左所有比賽內容外，服務仲將提供每星期現場比賽回顧節目，讓球迷唔會錯過刺激的入波同撲救，以及比賽重播、精彩片段、分析和其他原創節目等等。Apple TV+ 的訂閱者可免額外付費觀看包含數場重要賽事的 MLS 和聯賽盃比賽。另外，將有少量賽事可免費觀看。作為球迷額外福利，新的 MLS 串流服務將包含於 MLS 全季套票。屆時所有 MLS 和聯賽盃賽事都將有英文同西班牙話旁述，有加拿大球隊的比賽將提供法文評述。

蘋果表示新服務的完整細節將於未來幾個月期間宣佈，包括球迷幾時可以註冊、訂閱價格、新 MLS 節目的具體細節、改良的比賽時程、轉播團隊、製作改良、賽前和賽後報導，以及球迷將能透過 Apple 生態系享受 MLS 內容的所有方式。鐘意睇波又對美國足球大聯盟有興趣的朋友，擔定櫈仔等睇波！其實呢個模式可唔可以擴展去其他歐洲聯賽尤其英超呢？