可能好多人玩過PUBG都知道平底鑊的利害，但到底真實世界有幾犀利？近日外國網絡一條主題「旅館老闆用平底鑊擊退鱷魚」短片迅速竄紅，證實左平底鑊的確有能力爭奪兵器譜上的排名，以後野外求生，帶定一隻平底鑊又可以煮食甚至見到鱷魚都處變不驚！

呢條短片係西方網絡youtube一上載火速成為熱門短片，影片發生係澳洲，一間旅館老闆打算帶旅客離開去搭直升機遊覽，可惜遇上一條大鱷魚擋路！正當大家都好驚訝認為此路不通之際，老闆「Kai Hansen」淡定取出一隻8吋平底鑊直接走上前同鱷魚對峙，鱷魚都唔弱仲先發制人，但見老闆手起鍋落，兩下combo成功將鱷魚擊退，成為大家心目中的退鱷英雄！

pic.twitter.com/PTo81G7n3j

— Lassi ._. (@Lassikko) June 22, 2022

據報係澳洲野生動物特別多，影片所在地並非鱷魚恆常出沒地帶，不過話哂都係澳洲之地，間唔中都有鱷魚，老闆話佢以前養過一集狗仔會靠吠聲驅散靠近的鱷魚，但2018年某一日狗仔跑出去驅散鱷魚之後就無再返來！總之對老闆而言，係當地生活同鱷魚共存已經成為恆常習慣！呢段短片上載後馬上爆紅然後就出現好多改篇作品，包括加入Monster Hunter背景音樂的短片，將其改變成為獵人擊退魔物的畫面。