{ SKIP }

POSTED ON 12 Jul 2022

雖然上季「紅魔鬼」曼聯表現未算特別亮眼,但有C朗拿度加成就始終都係焦點之一。而新一季主場波衫早前亦正式登場,製造商將會係繼2015年後再度合作嘅adidas,其中球會極具標誌性嘅鈕扣polo衣領設計將加入呢件主場波衫。

曼聯呢件新主場波衫以球隊歷史上過往嘅經典球衣設計為藍本,重新加入鈕扣polo衣領設計,領上出現嘅紅色幾何形狀圖案係由曼聯嘅「M」字母中演變出來。而波衫沿用曼聯經典紅色配色,同時加入相同色調條紋設計,與雙肩上嘅黑色三間條紋形成視覺上強烈撞色效果,非常吸晴。

作為adidas設計總監Inigo Turner就表示: 「Polo領係曼聯嘅象徵,見證球會許多光輝時刻。回望球會悠久歷史,我們希望通過呢個設計,向球隊過去經典波衫以及傳奇名宿致敬。我們將用全新視角來演繹代表球隊DNA嘅波衫設計及經典圖案,希望將一貫傳承嘅曼聯DNA融入當下。」

今次新球員版主場波衫更以再生環保物料製成,貫徹adidas可持續發展理念。球員版及球迷版波衫分別搭載HEAT.RDY透氣科技及AEROREADY吸汗物料,時刻保持乾爽舒適,助球員發揮最佳表現。

另外,全新嘅作客波衫亦都正式登場,顏色以曼聯作客波衫經常出現嘅白色為主,配上紅黑三間,及採用經典盾徽設計,致敬曼聯輝煌。球衣低調融入暗紋,更加添上質感。

美國喜劇演員TJ Miller曾經於頭兩集《Deadpool》中飾演Deadpool (Ryan Reynolds飾) 嘅好友Weasel,不過近日佢登上一個Podcast節目時,就表示自己唔會回歸最近宣佈嘅《Deadpool 3》,甚至唔會再同Ryan Reynolds合作, ...
hobby
【影視】《Deadpool》演員指Ryan Reynolds好憎佢
07 Oct 2022
如果以現今技術高水準重製,大家又有冇興趣?
hobby
【真唔真呀?】MrBeast願意出資900萬美元重新製作《火影忍者》動畫
07 Oct 2022