口罩作為現時全港嘅必需品，你係點都要備貨，咁既然點都要買嘅時候，不如買啲自己鍾意嘅款式啦！

作為香港口罩品牌嘅Gimans Care，黎緊就會於動漫節登場見大家，屆時作為動漫迷嘅你就可以選購自己心愛嘅動漫口罩，個性咪就係咁樣展現囉！

動漫節期間，Gimans Care將會為各位動漫迷帶來近期非常受歡迎嘅熱門動畫系列：《機動戰士高達》、《新世紀福音戰士》以及即將上映第25部劇場版嘅《名偵探柯南》等，多款精選優惠套裝及各類型全新會場首發精品及口罩將任你選擇。

除此之外，風靡不同年代嘅懷舊動畫亦再度歸來，包括：《超時空要塞》、超級經典角色《東映系列：大鐵人17號、V型電磁俠-波羅五號、超力電磁俠-孔巴德拉V、宇宙刑事、電腦奇俠及宇宙大帝》、《龍之子系列：黃金戰士、小雙俠及神勇飛鷹俠》、永井豪《鐵甲萬能俠》等等均一同集結！

即刻去會展帶佢地番屋企啦！