為擴張業務及吸引更多用戶訂閱，Netflix去年聘請EA及Facebook前高層過檔，又積極收購多間遊戲開發商，向已訂閱用戶提供免費遊戲服務，正式跨足電玩市場。只要有訂閱Netflix即可免費下載遊玩，而且冇任何廣告及課金元素。然而，最近市場調查機構Apptopia就發現，其實捧場嘅用戶少之又少。

根據市場調查機構Apptopia數據，目前Netflix旗下手機遊戲總下載量為2,330萬次，但每日活躍用戶僅有170萬人，相較於Netflix整體訂閱用戶人數2.21億，意味住不足1%訂閱用戶會玩呢啲遊戲。

現時Netflix共推出24款手機遊戲，除咗有結合自家IP嘅《怪奇物語：1984》，仲有幾款時下流行紙牌遊戲，例如《雀牌配對接龍》及《爆炸貓》等等，Netlfix更預計今年年底將會擴充至50款遊戲，其中包括一款以《后翼棄兵 The Queen’s Gambit》為基礎嘅棋盤類遊戲。唔知能唔能夠以進一步提升玩家數量呢？