跑長跑除左要夠長氣之外，專業級嘅裝備都非常重要，否則長時間嘅運動之下好大機會增加受傷風險。而作為日本專業運動品牌 ASICS，其跑鞋可以話係長跑必備嘅保證。

近日ASICS就推出今年度第 29 代長跑鞋王 GEL-KAYANO 29，呢款跑鞋唔單止係咁多代以來最輕，中底技術亦進一步升級，相信必定令你有最穩定流暢嘅跑步體驗！

被譽為「長跑鞋王」、「跑手守護神」嘅 GEL-KAYANO 唔經唔覺已經黎第 29 代，一面世就以數字說話，鞋身比上一代減磅足足近 10g！功能亦當然唔會令你失望，除左標誌性 GEL 緩震膠，中底亦升級為 ASICS 最新物料 FF BLASTPLUS，擁有著地觸感柔軟回彈；配合改良中底內側 LITETRUSS 足弓穩定片，讓你跑每一步都更穩定，同時足趾離地更快更省力，更有效預防疲勞及減少受傷機會。

而鞋身方面，以超過 75% 再生材質製成柔軟針織鞋面, 透氣度出色，著落亦非常舒適，絕對啱晒夏天又焗又熱嘅時候練跑；另外，改良過嘅低足踝設計及 OrthoLite X-55 襪套式鞋墊，完美包裹足掌，每一步都舒適自然。