有玩過Lego嘅人，一定有砌過某種類型嘅「屋」，但你又有冇諗過，喺現實中嘅香港，都可以見到用Lego「砌成」嘅牆身？適逢Lego創立90週年，樂高以「Make the World a Playground」為主題舉辦全球慶祝活動，而香港樂高將推出「香港周圍玩創啲」活動，而其中一個環節，就係用Lego去修補現實中嘅舊樓牆身！

九龍城

中上環

樂高香港與拼砌達人Van Chiu以及亞太區「樂高專業認證大師」之一洪子健聯手，已經於九龍城及上環兩區，以Lego修補咗5個地點嘅牆身。雖然話用Lego補牆對樓宇結構應該冇咩幫助，但由於Lego有多種不同大小嘅顆粒，所以能夠平整地修復大部份損毀牆身，而且整完之後色彩繽紛，令原本破損嘅地方煥然一新，話唔定可以做埋打卡熱點添呀。

黎緊樂高香港亦會繼續修補十個地點，而且全港市民都可以去品牌Facebook以Inbox訊息報料，假若最後揀選咗你提供嘅地點黎修補，你更會獲得超過HK$4,000嘅禮品。禮品中包括為慶祝90週年而推出、內含超過1,000個顆粒、15款經典迷你模型嘅「90週年特別版LEGO® Classic 11021 90」、以及早前於「Ideas」平台經55,000名參加者投票後復刻推出嘅「10497銀河探險家號」和「10305 Lion Knights’ Castle」。

資料來源：樂高香港