Netflix人氣動畫《SPY×FAMILY 間諜家家酒》自4月播出後風靡全球，周邊產品賣到成行成市，當中小女孩「安妮亞（Anya）」嘅趣怪表情更網民製成各種Meme圖瘋傳，同時吸引無數少女及少男Cosplay。最近官方正式公開第一季Part.2最新海報，唔知會劇情大約會講到邊呢？

從最新海報中，除咗可以見到安妮亞一家、伊甸學園師生、情報專家弗朗基、西國情報局WISE局長席爾薇雅、姐控弟弟尤利等熟悉面孔，仲可見到曾短暫登場嘅白色狗狗「彭德」，以及一位銀髮神祕人物，預計會成為第一季Part.2嘅關鍵人物！

《SPY×FAMILY 間諜家家酒》第一季Part.2將於10月1日於23:00起於東京電視台播出，暫時未知Netflix以及各大串流平台上架日期，有興趣嘅朋友請密切留意。