{ SKIP }
文:MenClub 魏文青  
POSTED ON 02 Sep 2022

中國網絡素來有大量「搬運網站」、「搬運工人」存在,佢哋做嘅就係將外國創作者嘅內容,由插畫到漫畫、YouTube影片到劇集電影「搬」去中國平台以賺取流量。近日中國就出現一個模仿日本最大繪師平台「PIXIV」嘅冒牌網站「VPIXIV」,並將大量日本繪師創作嘅內容都Copy & Paste搬哂過去,不過日本繪師好快就搵到解決問題嘅魔咒,就係「香港加油」同埋「天安門事件」。

卻說近日大量日本繪師都發現中國「VPIXIV」上出現自己嘅專頁,而自己於「PIXIV」上發佈嘅作品亦被人搬哂過去。被人偷圖本身已經非常值得嬲,更麻煩嘅原本於「PIXIV」上設定為非公開、要畀錢先睇到嘅作品,亦同樣被搬到「VPIXIV」上公開,嚴重影響繪師們嘅權益。

不過好快就有人發現解決事件嘅「魔咒」。由於「VPIXIV」似乎係會即時更新複製繪師們喺「PIXIV」上嘅所有更新,當中就包括改變名字或者自我介紹欄目,所以就有人諗到於「PIXIV」嘅用戶名或自我介紹中,加入「光復香港」、「台灣獨立」、「天安門事件」等中國禁詞,用中國嘅網絡審查去對付「VPIXIV」上嘅假專頁,結果真係成功令「VPIXIV」上嘅假專被刪除,據報目前成個「VPIXIV」都已經被永久關閉。

事實上呢次亦唔係外國網民首次用「禁詞」黎對抗中國盜版活動。有繪師指出,過往佢創作嘅同人誌就曾經被中國人擅自翻譯,於是佢喺新作品嘅背景上就加上同類型嘅禁詞,結果就冇人再搞佢啲作品。而我亦曾經見過,某「FC2」平台上嘅「愛情動作片」為咗防止被搬運,同樣於畫面上加上「天安門事件」水印。

被譽為遊戲界奧斯卡嘅年度盛事《The Game Awards(TGA)》於今早舉行,《Baldurs Gate 3(柏德之門3)》成功奪得年度最佳遊戲、最佳角色扮演遊戲、最佳社群經營、最佳多人遊戲、玩家之聲以及最佳演出6項大獎,成為本 ...
hobby
【電玩】TGA 2023得獎名單出爐!《柏德之門3》奪年度最佳遊戲等6項大獎成大贏家
08 Dec 2023
每逢年尾又到總結成績嘅時間,近日IMDb就率先公布2023年10大電影、劇集及演員名單,唔知大家嘅心水作品有冇上榜呢?
hobby
【影視】IMDb公布年度10大最受歡迎電影及劇集名單
08 Dec 2023