一聽到《First Love》響起，所有回憶即時返晒嚟！

Netflix劇集《First Love 初戀》靈感嚟自宇多田光兩首金曲，分別係1999年《First Love》以及2018年《初戀》，由《出租天使》導演寒竹百合編導，滿島光及佐藤健攜手主演。故事背景橫跨90年代後期、千禧年及現代，述一對戀人於90年代末相遇，歷經時光二十載，依舊刻骨銘心的繾綣戀情，其中佐藤健將會飾演一同退役自衛隊飛行員，而滿島光則飾演一名空姐。

除咗兩位主演，其他演員陣容包括夏帆、美波、中尾明慶、荒木飛羽、向井理、井浦新、小泉今日子等人。預計2022年11月24日正式上架。

順帶一提，為紀念出道24周年及《First Love 初戀》推出，宇多田光將於12月9日發行《First Love》及《初戀》重新混音版本，以及收錄兩首金曲嘅7吋細碟，有興趣嘅朋友敬請留意。