荷里活人才輩出，想做導演除咗要有實力，創意亦好重要。早前Zach Lipovsky及Adam B. Stein為咗贏得《死神來了6（Final Destination）》執導機會，就喺面試時親自上演一次「死神來了式」死法，結果成功獲得片商賞識。

（圖片截自：IMDB）

新線影業（New Line Cinema）自年初宣布開拍《死神來了6》後，就積極物色導演，共吸引近200人應徵。其中科幻驚悚片《Freaks》導演二人組Zach Lipovsky及Adam B. Stein進行視像面試時，身後嘅火爐就突然燒著其他傢俬，兩人好不容易撲滅火種後，天花板嘅電風扇卻突然鬆脫墜落，將其中一名導演「斬首」。

然而，一切都係兩人預先錄製嘅特效片段，以表達對「死神來了系列」嘅熱情，新線高層隨即亦從驚惶失措變成捧腹大笑，並決定由兩人擔任《死神來了6》導演。

除此之外，《死神來了6》將由MCU蜘蛛俠三部曲導演MCU蜘蛛俠三部曲導演Jon Watts同佢老婆Dianne McGunigle共同監製，《爆血新婚夜（Ready or Not）》編劇Guy Busick及Lori Evans Taylor共同撰寫劇本，暫時未知幾時開拍。