環保講真唔係口號，唔係短短三年就可以有成果嘅工作，係真係要花心思去做去研究嘅事。

而日本人嘅回收過程一向鉅細無遺得令人驚嘆，其中日本運動品牌ASICS今季就推出全新 Shigen 系列，正正係向呢種尊重地球資源嘅 Lifestyle 進行致敬！今次選中「改頭換面」嘅鞋款分別為 JOGGER X81 及 GEL-SONOMA 15-50 休閒鞋，由鞋面、鞋帶到吊牌都採用可回收及再生物料，將「升級再造」進行到底，就係希望令大家可以活出「Sound Mine, Sound Body」精神，讓你生活嘅每一步都行得更環保、更有意義！

Shigen 一字日文意即「資源」。 ASICS 認為品牌必須擁抱可持續理念，先可以讓全人類繼續享受到美好大自然。今次「再生」Shigen 系列，由鞋面、鞋帶、裝飾到皮革細節，均以可回收紙張、皮革、PET 膠樽及布料製成，就算吊牌亦都係用上 100% 再生紙，大幅減少生產時嘅碳排放；鞋舌標籤上，亦都仔細列出各部分所用嘅再生物料比例，相當有心思！

而鞋嘅配色方面，兩鞋款均以大地色系銀灰配搭奶油白，點綴以撞色草綠色鞋舌 logo ，中性亦都百搭，男女都相當適合。JOGGER X81 參考 1980 年代設計，以灰色鞋面突出白色 ASICS 經典虎爪紋，中底使用鏤空 Cush-Hole 緩震科技，再配上流線型十足厚底鞋身，現代休閒感咪就係咁簡單囉！