自2018年11月後連載完第390話後，由富樫義博創作嘅《Hunter x Hunter》就一直休刊，直到今日發售嘅《週刊少年Jump》(2022年) 47號先重啟，亦即係話事隔3年11個月之後，大家終於再有《Hunter》睇啦！

週刊少年ジャンプ47号本日発売????

表紙は女影原の戦い完全決着‼️
『逃げ上手の若君』????

巻頭カラーは『あかね噺』✨

Cカラーは連載再開❗️『HUNTER×HUNTER』J金未来杯読切『恋の曜日の世崎さん』『アンデッドアンラック』‼️

※今週の『呪術廻戦』『ブラッククローバー』『ルリドラゴン』は休載します pic.twitter.com/NAoyyIM27P

— 少年ジャンプ編集部 (@jump_henshubu) October 23, 2022

據日本傳媒報導，最新一話 (即391話) 總共有21頁，當中包括富奸新繪嘅小岡與《幽遊白書》幽助中央彩頁。故事就會繼續講述古勒比加一行人於前往黑間大陸船上嘅「王位爭奪戰」。同時《Jump》日前亦發佈咗將於11月4日開售嘅第37卷單行本嘅預告，成條片都只係一個黑色底再加上漫畫中嘅文字，但就莫名地有《Hunter》…定應該話係有富奸嘅風格？

No396…完成。
No397…加筆完了。リテイク返却待ち。

No398〜400…作業細分化に移行。
　　　　　　　　
半デジタル化でコピー用紙の消費量
と事務作業が5倍に増えた。

↓1話分。これで30%くらい。 pic.twitter.com/lgbFcCuTbU

— 冨樫義博 (@Un4v5s8bgsVk9Xp) October 18, 2022

值得一提嘅係，一直非常規律地於Twitter更新作畫進度嘅富奸，自從10月18日後就冇再更新。而佢嘅最後一個帖文，就話第396話已經完成，第397話完成咗精繪，等緊最後檢查，而398至400話就仲有步驟未完成，基本上就係確定今次連載再開只有10話內容。另外佢亦抱怨加入電子化工序後，無論係用紙定係工作量都多咗5倍，仲貼出厚厚嘅一大疊紙，話呢到只係一話嘅3成左右。考慮到佢嘅身體問題，而且唔鍾意請助手 (除咗佢老婆武內直子) 難怪佢由5月畫到依家先有10話嘅份量。