{ SKIP }
文:MenClub 魏文青  
POSTED ON 27 Oct 2022

又到年尾,亦即係日本各大百貨公司推出福袋嘅時節。而日本著名百貨高島屋今年就推出一個超誇張嘅福袋——一間價值330萬Yen,即約18萬港紙嘅屋,而且仲送家俬!

日本高島屋日前宣佈,將與日本建築設計公司Serendix推出超強福袋抽獎,得獎者可以獲得Serendix送出嘅3D打印屋「Sphere」一間。「Sphere」嘅賣點係利用3D打印技術,將鋼筋混凝土一層層、一圈圈地堆疊,最快只需24小時就可以起好建築物嘅外牆,一次過解決建築工人不足、住宅不足、以及建築廢料等多個問題。

建成後嘅「Sphere」佔地面積大概為10平方米、高約3.9米,整體呈球狀以增加防震能力。Sphere本身就只係一個「殼」,入面係咩都冇,但高島屋就話會為得獎者提供「自選家居」,即係送埋家俬。福袋抽獎由明年1月2日起,於日本共15間高島屋店鋪接受報名,名額一名。

不過高島屋講到明,你要自己搵塊地黎放間屋,而且地面整平等前期工程要另外畀錢,間屋仲要唔可以拉水喉 (可以拉電),換言之佢係冇辦法作為正常住宅咁居住,只能作為別墅或特別用途小屋。但福袋送間屋喎!況且我諗佢再唔好住,應該都好過啲咩「簡約公屋」掛?至少個樣靚啲先啦?

資料來源:Jiji
大家想唔想香港嘅戲院都效法AMC呢?至少可以比貴少少揀個好啲嘅位。
hobby
【影視】全美最大院線AMC推分區票價計劃 座位愈好售價愈貴
08 Feb 2023
日前係美國樂壇盛事Grammy (格林美) 頒獎典禮嘅大日子,儘管台上嘅得獎者及表演者都非常落力,但事後網民注意力卻全部放哂喺台下,而且主角仲要唔係一位歌手,而係著名演員Ben Affleck。之於原因嘛,就係因為陪老婆J ...
hobby
【影視】Ben Affleck陪JLo出席格林美 生無可戀表情成熱話
07 Feb 2023