近年迪士尼熱衷將旗下經典動畫翻拍成真人版電影，包括《小魚仙》、《雪姑七友》、《木偶奇遇記》等等，卻因為搵嚟非裔及拉丁裔女星主演而被批評過於「政治正確」，為求種族多元不惜偏離原著設定。

迪士尼CEO Bob Chapek

對此，迪士尼CEO Bob Chapek日前接受《華爾街日報》主編Matt Murray訪問時表示：「我哋希望內容能夠反映豐富、多元嘅世界，認為咁做係迎合觀眾嘅一種方式，同時好慶幸我哋擁有最好、並持有相同想法嘅內容創作者。另外，從商業角度嚟講亦係一件好事，因為能夠吸引更多觀眾。如今我哋生活喺一個任何事都似乎兩極化嘅世界，我希望迪士尼能夠透過多元化故事及角色將人們團結一起。」

《光年正傳》因涉同性戀情節遭多個伊斯蘭及中東國家禁映

當被問到迪士尼係咪太過「覺醒（WOKE）」時，Bob Chapek就表示迪士尼係一間靠迎合觀眾而屹立100多年嘅公司，並會繼續迎合觀眾邁向下一個100年，蓬勃發展。