自從去年《Spider-Man: No Way Home》上映之後，由Tom Holland版本《Spider-Man》嘅未來就陷於迷霧之中，大家唔知Marvel同Sony傾唔傾得掂數，更唔知Tom Holland會否再次出演Peter Parker。不過近日荷里活方面就有好消息，有知情人士指Marvel同Sony快將達成新協議，Spider-Man將會有新電影之餘，亦會出現於《Avengers: The Kang Dynasty》及《Avengers: Secret Wars》之中。

It seems #Disney & #Sony close to new #SpiderMan deal

They sign, then can work on #TomHolland’s deal#SpiderMan4

and likely BOTH #KangDynasty & #SecretWars pic.twitter.com/zoAbIg1kAx

— Grace Randolph (@GraceRandolph) October 31, 2022

消息係由知名影視YouTuber兼戲評家Grace Randolph發佈，佢今早於Twitter表示，Marvel及《Spider-Man》影視創作權擁有者Sony「似乎就黎達成新協議」，兼標記「#SpiderMan4」；另外佢亦指出協議好可能包括埋《Avengers: The Kang Dynasty》及《Avengers: Secret Wars》，亦指蜘蛛俠於MCU第五及第六階段依然會佔一席位。

Tom Holland 

圖片：《Spider-Man: No Way Home》

確定Spider-Man會繼續出現之後，觀眾們最關心嘅就係Tom Holland會否繼續出演。而據Grace Randolph指出，Marvel及Sony達成協議後，就可以「去搵Tom Holland傾」，換言之目前Marvel及Sony都未肯定Tom Holland仲會唔會繼續做Peter Parker。Tom Holland本人早前就曾經講過，「如果我去到30歲都仲做緊蜘蛛俠，咁我一定有嘢做錯」，而目前MCU嘅第六階段就係去到2026年，即Tom Holland啱啱好30歲。