Johnny Depp曾於庭上指控前妻Amber Heard唔單只對佢拳打腳踢，嘈交個陣更會喺床上大便，令佢忍無可忍決定離婚。雖然AH一直否認，堅稱床上大便屬於家裡小狗，但仍掀起一陣熱議，更被網民戲稱為Amber Turd。

最新外國一名YouTuber「Joseph Morris」表示，自己收到一封嚟自Amber Heard鄰居嘅郵件，指AH敗訴後搬到西班牙豪宅區夜夜笙歌，經常帶朋友飲酒開Party，破壞社區寧靜氣氛。鄰居更指有日喺路邊見到一督人類糞便，所以翻查閉路電視畫面，發現一位疑似係AH嘅女士同兩位友人喺街邊飲酒有講有笑，其後突然除褲踎低，起身後地上就多一督排泄物。

雖然畫面有啲模糊，但從髮型、髮色及身形嚟睇，個位隨處大便嘅女士都同Amber Heard非常吻合，唔知大家有咩睇法呢？