{ SKIP }
文:MenClub 艾力克  
POSTED ON 25 Nov 2022

11年間出演過四部《雷神奇俠》嘅Chris Hemsworth,日前出席Podcast節目《Happy, Sad, Confused》時認為《雷神奇神5》係時候轉換一下風格:「《雷神1》同《雷神2》風格非常相似,後來由Taika Waititi執導嘅《雷神3》及《雷神4》亦都非常相似,我覺得呢個系列嘅重點在於不斷重塑新風格。而喺《無限之戰》及《終局之戰》入面,我亦有機會對角色進行非常激烈嘅詮釋,我非常享受其中,我鍾意令觀眾保持新鮮感,同時亦令我保持專注同投入。正如我以前都講過,如果電影風格變得雷同,就有機會變得懶惰,因為會有種『啊,我知道要拍咩啦』嘅感覺。」

不過Chris Hemsworth強調,目前佢都唔知自己會否被邀請開拍《雷神奇俠 5》,如果有機會回歸,佢認為《雷神奇俠 5》需要一改有風格及基調。

事實上,導演Taika Waititi早前就話過如果Chris Hemsworth繼續飾演Thor,佢會非常樂意執導下部續集,仲講笑咁話希望拍啲令人意想不到嘅嘢,例如一部成本得500萬嘅電影,完全冇打鬥戲,一部關於Thor嘅公路電影。

資料來源:cbr
因為三十幾年前喺7仔偷朱古力而耿耿於懷,最近Dwayne Johnson決定重返當年「犯罪現場」彌補過錯。
hobby
【彌補過錯】Dwayne Johnson公開少時偷竊黑歷史 重回「犯罪現場」掃清貨架贖罪
30 Nov 2022
大家讀書時或者都曾經食過童星點心麵,而雖然依家香港好似冇咩人會討論起呢款零食,但喺發源地日本佢就動作多多。繼早前與Reebok及atmos聯手推出鞋身印有點心麵嘅Classic Leather波鞋後,近日又再推出第二彈,而且係 ...
hobby
【日本】童星點心麵聯乘Reebok 推增量版波鞋
29 Nov 2022