日前世界杯賽場上，日本隊對上同組實力較弱、最有機會全取三分嘅哥斯達黎加，卻以輸0:1完場，頓時令出線形勢變得不明朗。而睇黎日本男神木村拓哉對於球隊嘅表現都相當不滿，於IG發佈一張「怒打梳化」嘅相。

在 Instagram 查看這則貼文

Takuya Kimura（@takuya.kimura_tak）分享的貼文

日本於首場落後德國一球下，最後以2:1成功「反Cup」，本來只要贏到哥斯達黎加，就幾乎篤定出線，但結果就以輸波收場，加上球隊於場上嘅表現亦強差人意，賽後唔少日本球迷都將矛頭指向領隊森保一。

而一直緊貼日本隊比賽嘅木村拓哉，賽後亦於IG上表達不滿。佢於日本隊比賽完結後，發佈咗一張「打梳化」嘅相，並留言表示：「辛苦了！呢個就係無退路嘅隊伍嘅潛力，對於勝利嘅執著。好勁。」

木村賽前上傳「Fingercross」手勢為日本隊打氣

在 Instagram 查看這則貼文

Takuya Kimura（@takuya.kimura_tak）分享的貼文

字面上睇，佢就係盛讚日本隊對手哥斯達黎加嘅表現，但有網民「解讀」，指木村拓哉其實係講緊日本隊本身，因為輸畀哥斯達黎加後，下場日本隊起碼要逼和上場大炒哥斯達黎加7球嘅西班牙，仲要期望德國唔好大勝哥斯達黎加先有機會出線，名副其實「沒有退路」。所以木村就希望日本隊都可以有「對勝利嘅執著」。