臨近聖誕佳節，又係時候諗下買咩比你既另一半啦! 唔想頭痕就即係睇落去，希望比到啲意見你。

送嘢比男朋友系列:

1. Sony PS5

講真要買禮物比男朋友, 一部PS5絕對可以令到佢對你死心塌地，當然除左對方已經有一部或佢根本唔打機的，否則PS5絕對可以令佢開心到死，其中Sony今年更推出全新深灰迷彩系列，更具個人風格。(不過送左比佢之後佢有幾沉迷我就唔知啦....)

PS5 Console - God of War™ Ragnarök Bundle（建議售價：HK$4,880）

PS5光碟版主機（建議售價：HK$4,380）

PS5數位版主機（建議售價：HK$3,580）

預訂日期：2022年12月3日起

2. 相機

嗱，相機絕對係唔少男士心目中最愛嘅玩具之一，而你送左比佢，佢又可以幫你影多啲靚相，一舉兩得。

而FUJIFILM近日就推出全新 X 系列無反可換鏡頭數碼相機 FUJIFILM X-T5，機身輕巧，同時使用富士專有色彩再現技術，令影出黎嘅相更加專業。功能係點? 買完留番比男朋友自己研究啦。(簡單重點: 係X系列歷史上最高影像質量及分辨率，可生成 1.6 億像素的影像)

3. 褸

踏入12月天氣開始凍啦，咁就梗係要男朋友增衣啦，一件好睇嘅褸帶佢出街都有滿足感啲啦!

而近日The North Face 品牌就喺銅鑼灣希慎廣場隆重開幕，無論係專業戶外裝備或街頭時尚產品，都以山野潮流風格呈現，其中與台灣時尚服飾品牌 INVINCIBLE®聯乘嘅系列值得推介。

4. 香水

香水其實而家越黎越多男士會用，特別係對自己有要求嘅應該更加常用，因為個人氣味係將會係除視覺上比到人嘅第一感覺。

台灣香水品牌Shareco係男士及中性香水首選，推介嘅有「陷阱系列」3款攝人香調，，喺台灣官網已經售出超過15萬枝，由於早前經台灣著名Rapper瘦子推介後，如今已成為Rapper界新寵兒！

5. 美食

如果男朋友係鍾意食嘅，不妨今個聖誕同佢喺屋企二人浪漫食番餐好!

營火食品今個聖誕推介全新升級版壽喜燒套餐，頂級日本和牛，肉質嫩滑，入口即溶，一路洽下洽下你話幾Warm!

6. 文儀用具

認真工作嘅男士相信係最有魅力的，而如果你男人係需要成日寫嘢、簽文件的話，咁paper n things從世界各地尋覓嘅用品就啱晒佢。

paper n things 今年聖誕就特意準備一系列節日小心意，其中無論係精美筆記本、墨水筆等，都充滿歐洲的味道，配合手寫聖誕卡，仲可以為身邊最親嘅人送上祝福。

7. 保暖衣物

想表達你細心嘅一面，梗係喺咁凍嘅天氣入面送贈保暖衣物，令你同佢嘅生活充滿暖意。

Muji今年聖誕就為你準備一系列無論外定內嘅保暖衣物，咁天氣幾凍都無問題啦!