現年67歲嘅成龍日前喺紅海電影節上大爆，目前正籌備《Rush Hour（火拼時速）》第4集，唔知佢仲打唔打得郁呢？

成龍日前遠赴沙特阿拉伯出席「紅海國際電影節」（Red Sea Film Festival）閉幕禮，接受大會頒發榮譽獎，期間向傳媒透露佢目前正籌備《火拼時速》第四集，更話當晚會搵導演傾下劇本，不過佢就冇透露係邊位導演，唔知會唔會由Brett Ratner回歸執導呢？另外，成龍亦喺會上表示，將來減少拍動作片，多拍愛情故事，嚟緊將會有一部關於女性、為女性而設計嘅劇情片。

由Brett Ratnes執導嘅《火拼時速》系列令成龍紅遍荷里活，三部電影全球累積近8.35億美元票房，更令成龍成為1998年《時代》雜誌封面人物。