疫情重創經濟，加上政府一度禁止堂食，被喻為「窮人恩物」嘅兩餸飯近年開到成行很市，猶如便利店般總有一間喺左近。最近有本地團隊就製作出一款模擬經營遊戲《兩餸飯 This This Rice》，等大家一齊化身成夾餸姐姐！

據官方介紹，《兩餸飯》由本地團隊 BeanKing Computer Entertainment以Unreal Engine 5.1遊戲引擎開發，玩家將以第一人稱視角化身為「夾餸師」，按照客人需求裝飯、夾餸同收錢。而且遊戲內更採用真人廣東話配音，餐廳內更貼有安心出行QC Code海報，充滿「本土特色」。遊戲預計明年1月於Steam推出，有興趣嘅朋友請密切留意。