以馬賽克風格詮釋經典嘅LEGO ART系列再推新品！今次以Lego磚塊重現浮世繪大師葛飾北齋名作《神奈川沖浪裏》，砌得又擺得，有興趣嘅朋友不妨留意一下。

模型總共由1,810塊零件組成，完成組裝後高39cm、長52cm，有別於早前推出嘅3D模型「21333 Vincent van Gogh - 星夜」，「神奈川沖浪裏」採用2.5D方式一層又一層呈現畫中嘅驚濤駭浪，以及被巨浪捲起嘅三艘漁船。仔細觀看，仲可以發現船上有數名留住「月代頭」嘅日本男士，浪花等細節亦用上弧形磚塊忠實還原。

除此之外，模型嘅彷木「畫框」亦採用留白設計，令人將目光更集中於作品之上，專心投入欣賞，同時提升整體質感。

「LEGO 31208 葛飾北齋-神奈川沖浪裏」預計2023年1月1日正式發售，侷價為$99.99美元（約HK$780）。