Nicolas Cage近年事業回春，片約不斷。早前《Star Wars》系列劇集《The Mandalorian》主角、曾經與Nicolas Cage於《The Unbearable Weight of Massive Talent (港譯 喪盡癲才)》中合作嘅Pedro Pascal，都公開表示想邀請Nicolas Cage加入《The Mandalorian》。不過Nicolas Cage近日就於一個訪問斷然拒絕出演《Star Wars》作品，原因好簡單：「因為我係《Star Trek》粉！」

Nicolas Cage does not want to be in The Mandalorian or the Star Wars universe (sorry, Pedro Pascal).

"I'm a Trekkie. That's where I roll... I'm not in the Star Wars family. I'm in the Star Trek family." pic.twitter.com/958e7picw4

— Kevin Polowy (@djkevlar) January 7, 2023

卻說近日Nicolas Cage為宣傳新戲《The Old Way》而接受視訊訪問，訪問中主持人就提到Pedro Pascal邀請佢出演《The Mandalorian》一事，結果Nicolas Cage幾乎諗都冇諗就直接答：「我個答案係『No』！我係一個Trekkie (《Star Trek》Fans嘅暱稱)，我屬於企業號上面架！」隨後Nicolas Cage解釋，佢細個係睇William Shatner主演嘅《Star Trek》劇集及電影長大，佢亦覺得新版嘅Chris Pine都好好。佢認為科幻片嘅重點在於，可以講咩都得、點講都得，而《Star Trek》就有哂呢啲特色。

最後佢仲重伸，「我唔係《Star Wars》家庭嘅一份子，《Star Trek》先係我屋企。」