農曆新年將至，唔少品牌都會推出新春限定商品，最近泰國KFC就忽發奇想出咗款炸雞香味線香，除咗聞落似炸雞，就連外觀都似到十足！

據當地傳媒報導，呢款炸雞線香靈感嚟自祭祀時所用到嘅香燭，品牌希望透過春節呢個機會將風俗文化結合旗下招牌產品，同時激起消費者興趣。據介紹，線香由11種秘製草藥純手工製成，燃燒時能夠散發出炸雞香味，而且為咗令線香外觀擁有炸雞般質感，更特別塗上3層特殊塗料。

不過，呢款線香目前屬於非賣品，並未公開發售，有興趣嘅朋友需要喺泰國KFC Facebook專頁留言送上新年祝賀說話，先有機會被抽中獲獎，名額共100份。