最近一位名為あさにー（Twitter@asunny_pla）嘅模型迷喺網上訴苦，表示老婆趁住自己同3歲大嘅阿女出街嗰陣，將屋企大量未開封嘅高達模型拆盒壓扁，通通塞落曬落垃圾袋掉得一乾二淨。事件隨即引起網民熱烈討論，有人認為亂掉嘢嘅老婆點都唔啱，紛紛表示「毒妻！」「離婚離婚！」，亦有人認為事主已婚又有小朋友就唔應該花時間同錢喺模型上，「 ガンプラ（GUNPLA）」一詞一度登上日本Twitter熱搜榜。

其後あさにー再發文表示，佢認為老婆之所以會咁做，係因為自己早前參加工作有關嘅酒會遲咗返屋企，令到老婆非常唔開心，所以一氣之下將所有模型掉清光。同時向網友解釋買模型所用嘅都係扣除家用後嘅私己錢，平時自己都有幫手做家務、煮飯、湊小朋友，亦會喺小朋友瞓覺後先至砌模型，並非只顧砌模型而唔理屋企。隨住事件持續延燒，あさにー已經將Twitter帳號從公開轉為私人，呢對夫妻後續發展就不得而知...