{ SKIP }
文:MenClub 魏文青  
POSTED ON 24 Feb 2023

早前一名日本高中生於日本壽司郎舐碟、用沾有口水嘅手指觸摸輸送帶上嘅壽司,結果造成公眾衛生問題,壽司郎股價大跌之餘,整個迴轉壽司業都受到影響。事件先啱啱平息冇幾耐,近日日本網絡又瘋傳另一段惡作劇影片,而且今次係有人用消毒酒精噴壽司!

據日本媒體報導,近日日本Twitter上流傳一條長約13秒,名為「迴轉壽司業史上最惡劣的惡作劇」嘅影片,影片中可見一名身穿綠色衫、疑似為初中生嘅男孩,於某間壽司郎內拎住一支消毒酒精噴霧,對住輸送帶噴灑。最初佢就係瞄準輸送帶以及上面嘅小型廣告牌噴,但隨後就見到佢貼住一碟壽司繼續噴灑,亦冇拎到碟壽司落黎。雖然男孩似乎係瞄準「壽司碟旁邊」而非「壽司本身」噴消毒酒精,但壽司亦好可能沾上消毒酒精。

據報片中主角係一名來自九州嘅中學生。亦有人指出,據影片拍到嘅店內菜單黎睇,條片應該係於去年秋天拍攝,咁計嘅話比起「口水事件」都仲要早。

值得一提嘅係,自「口水事件」後,日本壽司郎目前採用「即叫即整」形式,輸送帶上已經唔再有壽司。亦有人擔心多單針對迴轉壽司嘅惡作劇曝光後,會打擊日本民眾對於整個行業嘅信心,甚至可能導致整個迴轉壽司業嘅末落。

資料來源:News Post Seven

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025