如果覺得帝國級殲星艦（75252）太大件，不妨考慮入手呢款袖珍版星艦，細細部啱曬拎上手把玩同放入書櫃/電視櫃展示！

LEGO Star Wars系列近日再推新品，今次係黑武士Darth Vader旗艦「Executor Super Star Destroyer」，由630塊零件組成，完成組裝後高14cm、長43cm、寬18cm，還原超級殲星艦外型輪廓，而兩則更有兩艘迷你殲星艦以透明配件固定並排「飛行」，以突顯本體宏偉壯大。

除此之外，模型包含一個可拼砌展示底座，帶有模型銘牌及《星球大戰:絕地歸來》40 周年銘牌，似乎亦預留咗個位畀玩家放上心儀嘅Lego人仔。

「LEGO 75356 Executor Super Star Destroyer」售價為$69.99美元（約$549港幣），預計2023年5月1日正式發售。