由新田真劍佑主演嘅真人版《聖鬥士星矢》公開長達1分鐘正式預告，曝光更多打鬥畫面！大家覺得算唔算「慘遭真人化」呢？

《聖鬥士星矢 The Beginning》由東映及Sony影業子公司Stage 6 Films聯手製作，改編自日本漫畫家車田正美同名作品，故事講述主角星矢（新田真劍佑 飾）係一名孤兒，尋找失散多年姐姐期間意外發現體內暗藏神秘力量，而且必須保護女神雅典娜轉生少女沙織（Madison Iseman 飾），於是穿上天馬座聖衣守護人類。

從預告除咗可以見到星矢同暗黑聖鬥士對戰嘅畫面，天鷹座魔鈴、城戸光政、雅典娜等人等人亦相繼登場，片尾更疑似出現鳳凰座一輝(鳳翼天翔?)，電影將於4月28日正式登陸日本上映，暫時未知香港會唔會上畫，有興趣嘅朋友請密切留意。