Keanu Reeves及Tom Cruise兩位型男雖然已經58及60歲，但仍時常親自上陣挑戰各種動作特技及武打場面，敬業精神令人佩服。近日Keanu Reeves被問到對Tom Cruise有何看法時，佢就大讚對方成就非凡，仲好謙咁話「同佢比，我只係玩泥沙啫！」

Keanu Reeves日前接受表示《CinemaBlend》訪問時表示：「Tom Cruise達成嘅成就非凡且特別，完全係嚟自另一個宇宙嘅傳奇。我就好似喺地上玩泥沙，而佢就喺建築物及直昇機外飛嚟飛去、跳嚟跳去，甚至揸戰機，佢嘅熱情、技術及才華都好出色。」並話自己同影迷一樣，同樣係Tom Cruise電影嘅「受益者」，如果硬係要比較，兩人嘅共點通就係對電影充滿熱誠，而且好慶幸能夠一直參與拍攝，希望觀眾會鍾意佢哋做嘅事。

《John Wick 4》將於3月23日正式上畫，而Tom Cruise最新作品《Mission: Impossible – Dead Reckoning Part One》就預計今年7月推出。