作為Facebook、Instagram母公司Meta嘅創辦人，兼世界上最有錢嘅人之一，Mark Zuckerberg嘅生活一直都相當低調，低調到你其實唔知佢平時究竟有咩做。不過近日佢就罕有地於個人IG公佈自己參加咗個巴西柔術比賽，仲成功拎到一金一銀嘅好成績，令唔少人都感到相當驚訝。

在 Instagram 查看這則貼文

Mark Zuckerberg（@zuck）分享的貼文

卻說平時IG都係Post下老婆仔女嘅Mark Zuckerberg，日前突然發佈咗幾張參加巴西柔術比賽嘅圖片，並留言指自己剛剛完成咗人生第一個巴西柔術比賽，「贏咗啲獎牌」，然後多謝位處美國加州嘅巴西柔術隊「Guerrilla」以及教練Dave Camarillo等人。

事後就開始有媒體公開Mark Zuckerberg嘅多條比賽片段。可見佢分別有參加「有袍 (Gi)」及「冇袍 (No Gi)」嘅賽事，而且絕對有板有眼，對手似乎亦冇因為佢係個億萬富豪而留手。網上見到嘅片段中，Mark Zuckerberg於冇袍嘅比賽勝出，但就於有袍賽事中落敗。

Mark Zuckerberg訪問節錄

其實Mark Zuckerberg早於去年8月接受Joe Rogan嘅Podcast訪問時，就提到自己有玩巴西柔術，當時佢指巴西柔術不單需要體能，仲要非常專注，稍一分神就可能會被對手壓制，所以能夠幫助佢於日常工作中都保持集中力及活力。佢仲話第一次接觸巴西柔術時就已經非常鍾意，甚至有「相逢恨晚」嘅感覺。

資料來源：USA Today