隨住任天堂Switch年度大作《薩爾達傳說 王國之淚》正式發售，除咗吸引全球機迷搶購，呢股熱潮更延伸到成人網站Pornhub，搜尋「Zelda」相關字眼人數激增！

據數據統計，早喺《王國之淚》發售前嘅5月6日，已經開始有唔少人按捺不住上Pornhub搜尋「Zelda」，為遊戲做足「事前準備」，相關字眼搜尋量逐漸增長。直到5月12日遊戲正式發售後，當日搜尋量更激增399%，其後一路爆升至5月15日嘅+1477%。

至於搜尋增長量最高嘅字眼就係「purah zelda」，增幅高達42,257%，睇嚟年過百歲但外貌保持年輕嘅「普爾亞」相當受歡迎，其次就係「legend of zelda rule 34」以及「zelda botw paya」（帕雅）。所謂嘅「Rule 34」係一個網絡術語，意指「無論任何事物只要存在，就一定可以同色情扯上關係」，簡單嚟講即係色情創作。