{ SKIP }
文:MenClub 魏文青  
POSTED ON 18 May 2023

相信大家都知道,目前荷里活編劇們於工會領導下正進行大罷工,導致多部影視作品嘅製作進程都受影響。而本月初罷工開始時,最主要嘅議題其實係編劇們認為串流平台嘅冒起令佢哋收入減少,但近日AI嘅冒起亦同樣成為重要議題之一。簡單黎講,就係編劇們希望業界拒絕AI入侵。

Embed from Getty Images

卻說因為近年串流平台嘅製作已佔業界多數,而有別於傳統製作中編劇能獲得分成,無論最終串流平台作品有幾受歡迎,編劇們都唔會獲得額外酬勞,加上串流平台嘅作品集數通常較少,收入自然亦減少,所以早前代表編劇嘅美國編劇工會 (WGA) 就與代表資方嘅影視製片協會 (AMPTP) 進行談判,不過最終談判破裂,編劇們就開始罷工。

但其實除咗提出「重新分配利潤」之外,編劇們都仲有一個訴求,就係希望業界能夠明文禁止使用AI技術,例如ChatGPT等去生成故事大綱又或者具體劇本。據知編劇們擔心未來資方可能會用AI生成故事、劇本,再聘請少量編劇為劇本作潤色,以減低人力及成本,進一步影響編劇生計。同時編劇工會亦提出,禁止任何屬於工會旗下嘅劇本、內容用於訓練AI之上。

但與利潤問題一樣,荷里活資方同樣否決咗編劇工會提出嘅建議,只表示會每年同工會進行會議,相討「新科技嘅改變」。對此,紐約Cornell大學就業關係教授Virginia Doellgast就表示,資方提出嘅承諾其實相當脆弱,擺明就係唔想為AI嘅使用方法加上限制。而即使有個「年度會議」,編劇們其實都冇任何力量去阻止資方使用AI技術。而MIT企業系教授 Simon Johnson就表示,如果編劇們能夠從談判中 (某程度上) 支配業界如何使用AI,咁佢哋或者可以從中獲利,但萬一係資方掌握AI使用權,咁編劇們可能會有巨大損失。

資料來源:New Scientist

以Rey為主角嘅《星球大戰10》(暫名:New Jedi Order)目前正積極開發中,雖然演員陣容同具體劇情尚未公布,但Mark Hamill最近已率先表態,自己唔再回歸再演Luke Skywalker,並建議盧卡斯影業應放下舊有角色,專注年 ...
hobby
【影視】Mark Hamill表明不會回歸再演Luke Skywalker:盧卡斯影業應專注新角色
02 Jun 2025
隨住《Wednesday》第二季將於8月正式播出,Netflix在昨日舉行嘅Tudum 2025活動上,率先公開第一集首6分鐘片段大賣關子,同時宣布流行歌后Lady Gaga將會客串飾演一名老師 iframe width="560" height="315" src= ...
hobby
【影視】Netflix劇集《Wednesday》第二季公開首6分鐘片段 Lady Gaga確定客串飾演老師
02 Jun 2025