之前我就同大家報導過，日本秋葉原嘅卡牌店因為客人體臭太嚴重，所以決定於門口擺放香水供客人使用，否則就不得入內。估唔到近期另一間秋葉原卡牌店又發出類似聲明，經傳媒報導後更加成為熱門新聞，究竟日本嘅宅男們係有幾臭呢？

【大会参加に関して】
大会参加の際に、上記のような理由で他のお客様のご迷惑になると判断した場合、申し訳ございませんが参加をご遠慮頂くことがございます。
予めご了承ください。
また大会参加の際のみマスクの着用をお願いしておりますので、併せて何卒宜しくお願いいたします。

— カードランド秋葉原店@ONE PIECEカードゲーム取り扱い！ (@cardland_akiba) May 19, 2023

卻說日本卡店「カードランド秋葉原店」上週於Twitter發出聲明，表示近日氣溫急升，天氣變得相當和暖，同時佢哋發現有部份客人以不衛生嘅狀態到訪。特別係於比賽期間，由於大家需要長時間處於同一空間，所以要求客人們到訪前先沖涼，乾乾淨淨咁黎。同時佢哋亦表示，如果於比賽期間因為上述原因 (即係個人太臭) 而造成其他客人不便，將會無法參加比賽。

実際のところ、臭いの原因って
・シャワーに水道代使うぐらいならカード代に回す。
・衣類用漂白剤を使うぐらいならカード代に回す。
・メンズ用汗拭きシート使うぐらいならカード代に回す。
・ワキガの治療に回すぐらいならカード代に回す。
辺りじゃないの？…

— ざ＿な＿く＆８９０[email protected] (@z_n_c_890_P) May 23, 2023

雖然「日本部份宅男可以好臭」已經唔係咩新聞，但「カードランド秋葉原店」此帖文一出，依然都得到唔少網民留意，帖文觀看次數高達150萬。有網民亦於下面留言分享自己曾於二手卡牌店打工，即使成間鋪放咗10個香薰依然臭得離譜，最後佢只能屈喺店舖一角；另外亦有唔少網民分享洗衫同沖涼貼士，希望能幫助宅男們保持衛生。但亦有網民嘲諷道：「如果唔沖涼，啲水費就可以花喺啲卡上面；如果我唔買漂白水，啲錢就可以花喺啲卡上面；如果我唔醫臭狐，啲錢就可以花喺啲卡上面」嘅宅男心態。