{ SKIP }
文:MenClub 魏文青  
POSTED ON 25 May 2023

講起日本嘅「電車痴漢」,大家下意識就會覺得個犯人係男性,而個受害者就一定係女性。不過據日本傳媒報導,近日日本JR埼京線上就出現兩個針對男高中生嘅男性電車痴漢,佢哋唔單止對同一個男高中生落手,而且被捕後仲話「我日日都喺電車摸其他男人,已經唔記得你哋講緊邊個」。睇黎不論男女去到日本時都要小心一啲啦。

據日本多間媒體報導,兩名被捕嘅電車痂漢分別為56及44歲,而受害者就係一名10代男高中生。據知今年2月時,兩名痴漢於一列滿員嘅埼京線電車上,一前一後地夾住受害者,並伸手入對方嘅衣服內,進行咗數分鐘嘅接觸。據報二人並不認識,但就同樣於「痴漢情報網站」睇到相關資訊,所以先選擇於該時該地犯案。

但更令人心寒嘅係,當二人被捕後,竟作供表示由於自己「日日都喺電車摸其他男仔,所以唔記得你哋講緊嘅係邊日、邊個人」,可見其行為已經持續好一段時間,受害者不在少數。

新聞播出後,唔少網民都表示兩人嘅言論、行為非常「地獄」,亦有人感嘆近年嘅「奇行種癖好」越黎越多。亦有唔少人高呼「男性都可以係痴漢被害者。但無論如何,無論係男仔定女仔,去日本搭電車都真係小心啲啦。

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025