{ SKIP }
文:MenClub 艾力克  
POSTED ON 05 Jun 2023

宮崎駿睽違十年復出之作《你想活出怎樣的人生》將於7月14日在日本正式上映,但到目前為止都冇公開任何劇照或預告片。電影製作人鈴木敏夫日前受訪時就表示,希望今次「零宣傳」策略能令觀眾更加期待。

繼2013年《風起了》後,日本動畫大師宮崎駿事隔10年再出長篇動畫《你想活出怎樣的人生》,考慮到佢老人家已經80多歲,今次好有可能真係「封鏡之作」,然而一部咁重要嘅作品,吉卜力卻沒有作出任何盛大宣傳,除咗去年12月曝光一張手繪海報之外,到目前為止都冇公開任何劇照、預告片、劇情大綱以及聲優陣容,只知道電影靈感源自小說家吉野源三郎1937年同名作品,但電影故事係完全原創,非改編作品。令人不禁聯想起《男兒當入樽》劇場版動畫《THE FIRST SLAM DUNK》嘅宣傳策略。

最近吉卜力三巨頭之一嘅鈴木敏夫接受《文藝春秋》訪問時透露,佢哋係特意採用「零宣傳」策略,認為保持神秘能令觀眾更加期待,所以冇預告片、冇電視或報紙廣告,只係得一張海報就直接上映。與此同時,鈴木敏夫亦以荷里活大片慣用行銷手法對比《你想活出怎樣的人生》:「有一部美國電影...啊,我差啲講埋個名出嚟添!同樣喺今年夏天上映,所以佢哋分別製作咗三條預告片相繼發布,如果你睇晒三條預告,你就會知道套戲講緊乜。咁觀眾會有咩諗法呢?肯定有人睇完所有預告片就決定唔入場睇正片,所以我想做相反嘅事情。」大家又覺得吉卜力今次嘅宣傳策略有冇你更想去睇《你想活出怎樣的人生》呢?

日本作家吉野源三郎1937年出版小說《你想活出怎樣的人生》,講述父親離世、出身自小康之家嘅15歲中學生「哥伯尼」喺舅父嘅引導下探索友情、貧富、欺凌、勇氣等課題,從而帶出「人之所以為人的價值」以及「生而為人應有的態度」,被譽為兒童文學教育經典,曾於2017改編成漫畫。

資料來源:THR
自從Christopher Mcquarrie於2014年嘅《Edge of Tomorrow》開始與Tom Cruise開始合作後,二人嘅電影事業就深度綁定,唔單止往後嘅《Mission Impossible》系列都由佢執導,就連之前嘅《Top Gun: Maverick》,以至Tom ...
hobby
【影視】《M:I》導演爆Tom Cruise未來計劃 《雷霆喪星》續集有望
29 May 2025
喺MCU飾演Thor嘅Chris Hemsworth,今日突然喺個人YouTube頻道上載一段感人影片,回顧過去15年飾演Thor嘅傳奇經歷,同時感謝Fans們嘅支持。影片一出,即刻引起網民熱議,懷疑佢係同Thor呢個角色講再見。 iframe ...
hobby
【MCU】Chris Hemsworth發布「雷神奇俠」15周年回顧短片 難道暗示角色將於《Doomsday》退場?
29 May 2025