隨住人工智能技術愈來愈強大，最近有藝術家就透過AI「撮合」荷里活多對螢幕情侶，或已分開嘅戀人，製作出一系列偽全家福，滿足Fans們幻想。

View this post on Instagram

A post shared by @mrpomeroyj_ai

呢批全家福均由藝術家Jeremy Pomeroy（IG@mrpomeroyj_ai）製作，不過佢就未有透露係使用邊一款AI工具，當中包括早喺2005年離婚嘅Brad Pitt與Jennifer Aniston、《鐵達尼號》經典螢幕情侶Leonardo DiCaprio與Kate Winslet、《生死時速 Speed》Keanu Reeves與Sandra Bullock，以及《吸血新世紀 Twilight》情侶檔Robert Pattinson與Kristen Stewart等等，唔知大家又最鍾意邊一對呢？

Keanu Reeves & Sandra Bullock：曾合作《生死時速 Speed》、《情流戀屋 The Lake House》

Johnny Depp & Winona Ryder： 曾於《幻海奇緣 Edward Scissorhands》撻著

Brad Pitt & Jennifer Aniston： 兩人於2000年結婚、2005年離婚

Andrew Garfield & Emma Stone：於《The Amazing Spider-Man》撻著，交往4年後分手。

Harry Styles & Taylor Swift：曾經係荷里活最時尚火熱嘅年輕情侶

Robert Pattinson & Kristen Stewart：於《吸血新世紀 Twilight》撻著，交往4年後分手。

Ryan Gosling & Rachel Mcadams：於《忘了、忘不了 The Notebook》假戲真做，交往2年後分手。

Justin Bieber & Selena Gomez：曾被外界形容為樂壇金童玉女，離離合合多次最終於2018年正式分手。

Leonardo DiCaprio & Kate Winslet：《鐵達尼號 Titanic》經典螢幕情侶

Chris Evans & Scarlett Johansson：MCU螢幕情侶

資料來源：instagram@mrpomeroyj_ai