備受全球海賊迷關注嘅Netflix真人版《ONE PIECE》終於公開首部預告，大家覺得算唔算慘遭真人化呢？邊個角色還原度最高？

從預告可見，今季劇情將會聚焦原著漫畫「東海篇」，講述路飛相繼邀請卓洛、娜美、烏索普、山治等人入團，朝著偉大航道進發，當中亦包括「紅髮」撒古斯犧牲左臂拯救路飛經典一幕，而向來係搞笑擔當嘅小丑巴基，劇中造型就變得有點詭異，甚至有啲似恐怖片入面嘅連環殺人魔。

Netflix真人版《ONE PIECE》由原作者尾田榮一郎親自監製，《The Defenders（漫威捍衛者聯盟）》《Agents of S.H.I.E.L.D.（神盾局特工）》編劇Matt Owens執筆劇本，第一季共有8集，今年8月31日正式上架。