日本動畫電影新海誠自2002年憑《星之聲》電影出道後，往後多部動畫電影，包括《秒速五厘米》、《你的名字》、《天氣之子》以至香港今年上映嘅《鈴芽之旅》都創下現象級成績，亦令佢被譽為「新一代宮崎駿」。而近日日本品牌graniph，就宣佈會以新海誠名下六部動畫電影作主題，推出一系列服飾及週邊，Fans們唔好錯過啦。

今次graniph推出嘅系列名為「新海誠Works」，將會以新海誠名下嘅《星之聲》、《秒速五厘米》、《言葉之庭》，以及災難三部曲《你的名字》、《天氣之子》及《鈴芽之旅》六部作品為主題。產品包括T恤、恤衫、連身裙等服裝，亦有漁夫帽、布袋、水杯以至縮骨遮等週邊，全部都以新海誠作品中嘅名場面或世界觀為主題。

售價方面，由最平嘅T恤一件3,500Yen (約HK$190)，到最貴嘅半身裙7,900Yen (約HK$435)不等，當中除咗水杯之外嘅大部份產品，都會於今日 (20日) 於graniph官網發售，而且係國際配送，大家唔好錯過啦。

資料來源：graniph