{ SKIP }
文:MenClub 魏文青  
POSTED ON 17 Jul 2023

喺大眾交通工具上向唔向長者讓座,近年一直係網絡上嘅爭議性話題。但日本Coser兼實況主「阿波みなみ」近日就因為於電車上讓座,而收到婆婆嘅一萬Yen打賞。你話如果所有長者都會咁做,相信大家都會爭住讓座畀佢哋!

「阿波みなみ」於上週五更新twitter,表示佢於電車上讓座畀一位婆婆後,婆婆對佢講:「多謝你呀,可愛嘅多啦醬 (ドラちゃん)。」仲喺落車時塞咗張一萬Yen (約HK$560) 現金畀佢。帖文仲附上一張佢於電車上嘅自拍,可以見到阿波みなみ目前擁有一頭藍色頭髮,而且當日著住件藍色上衣,或者就係婆婆叫佢做「多啦醬 (多拉A夢)」嘅原因。

除咗性感cosplay之外,自稱為「令和發明家」嘅「阿波みなみ」,其實更以各種實物cosplay而聞名。

雖然「阿波みなみ」對於自己被稱為多啦A夢感到驚訝,但帖文發布後,日本網民更關心嘅係點解婆婆會畀一萬Yen佢,帖文觀看次數至今已突破1100萬。

有人笑稱從口袋中拎出一萬Yen嘅婆婆明明就更似多拉A夢;亦有人質疑婆婆拎一萬Yen去搭的士嘅話可能更方便,但亦有人表示婆婆畀錢係想表達感激之情,而且長者們可能唔缺錢,但平時就缺乏與其他人嘅溝通。

另外有有網民分享某次抱住個仔坐電車時,遇到一位長者對佢講:「喺呢個時代,小朋友誕生係一件值得慶賀嘅事」,隨後就收到用手巾包住嘅五千Yen。

由George R.R. Martin創作嘅《A Song of Ice and Fire》(冰與火之歌)係過去30年中最著名嘅奇幻小說系列之一,其改編而成嘅HBO劇集《Game of Thrones》亦曾一度佔據「神劇」位置。不過其實原著小說自2011年推出第五 ...
hobby
【影視】《Witcher》原作者表示同情G.R.R Martin 指《Game of Thones》劇集係新書拖延原因
02 Jul 2025
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025