{ SKIP }
文:MenClub 艾力克  
POSTED ON 24 Jul 2023

隨住Netflix真人版《ONE PIECE》即將播出,官方日前公開正式預告,曝光更多角色及經典場景。與此同時,原作者尾田榮一郎亦撰寫公開信,向Fans保證劇集品質絕對不打折扣!

從最新預告可見劇集首季將聚焦「東海篇」,講述主角莫奇·D·路飛立志成為海賊王,相繼邀請卓洛、娜美、烏索普、山治等人入團,朝著偉大航道進發,期間中遇上多位強敵,包括「四分五裂果實」能力者小丑巴基、「世界最強劍士」鷹眼,以及「阿朗海賊團」船長阿朗(另譯:阿龍)等人,並還原「紅髮」撒古斯為路飛戴上草帽經典一幕。

原作者尾田榮一郎透過公開信表示,其實早喺7年前已經有翻拍真人版嘅想法,直言原著世界觀、服飾設計、演員以及對白等元素,都係花咗唔少功夫改編,保證品質絕對唔會打折扣。並大讚製作人及劇組非常專業,而且佢哋亦係《ONE PIECE》死忠,認為觀眾越了解《ONE PIECE》,就越有可能感受到佢哋對作品注入嘅愛,希望觀眾能夠欣賞劇組嘅努力及付出,假如收到任何怨言,佢亦願意共同承擔。

Netflix真人版《ONE PIECE》第一季共有8集,除咗英語原聲之外,日語配音將由動畫版《ONE PIECE》聲優們原班人馬聲演,預定今年8月31日正式播出。

(圖片來源:mirrormedia

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025