法國人出名浪漫，所以唔少女性都視法國男性為夢中情人。但如果將法國人嘅浪漫行為放於另一個文化背景，有時就會搞到另一半哭笑不得。好似在日多年嘅法國YouTuber「Bebechan」，近日就於X (Twitter) 分享當年於買花送畀日本女朋友嘅趣事，引起日本網民熱議。

妻と付き合って間もない頃、デートの待ち合わせで花束を渡したいと思い、道中で花束を買った。待ち合わせの新宿駅で彼女に花束を渡すと、彼女の少し顔がひきつっていた。やりすぎたか....と思ったが、7年経ったいま当時渡した花束と同じものを見返して、全ての意味を理解した。 pic.twitter.com/aBCKVFz26T

— ????????Bebechan - 日本のフランス人???????? (@bebechan_france) August 27, 2023

在日本生活多年，講得一口流利日語嘅「Bebechan」係一名擁有近40萬訂閱嘅YouTuber，其創作多以「法國人探索日本文化」為主題。而近日佢就於X (Twitter) 上分享咗七年前與女朋友 (現太太) 約會時發生嘅趣事。佢話當時啱啱開始同太太約會，打算氹對方開心，於是就係街邊買咗紮花，並於新宿車站前送畀對方。但太太收花時竟然面露難色，Bebechan當時仲以為自己太過進取嚇親對方。

但近日佢再次行過類似花店時，就終於明白太太當年點解會有咁嘅反應。原來當年bebechan因為唔理解日本文化，所以喺街邊買咗紮「仏花」送畀老婆，亦即放於佛壇前嘅菊花祭品，情況就等如你喺香港情人節送黃白菊畀女朋友一樣。好在當時女友體諒佢係外國人所以只係「面有難色」，後來二人仲順利結婚添！

私も母の日に、当時小学生の娘から仏花、貰いました????お小遣いで買えるしかも綺麗で豪華で最高✨と思って買ってきてくれたそうです。
レジの人に、お母さんにあげるのって言ったと言ってたので
レジの方、きっとお母さんにお供えすると思ってたのだろうなと思うと申し訳ない。

— さゅり (@sayu0214) August 27, 2023

bebechan嘅搞笑故事吸引到大量網民注意。有網民表示日本嘅「仏花」特別便宜，所以如果唔介意其背後含義的話，買黎送畀人其實係個唔錯嘅選擇；亦有做咗媽媽嘅網民表示，自己個女仲係小學生時，亦因為覺得「仏花」好靚而且用零用錢就買得起，所以買返黎送畀媽媽做母親節禮物，當時個女仲同花店收銀講「紮花我買畀媽媽」，笑稱對方一定以為自己已經過身。